ԵՐԵՎԱՆ, 18 մարտի — Sputnik. Նախնական տվյալներով` ավելի քան 4.5 հազար մարդ է մասնակցել Ռուսաստանի նախագահական ընտրություններին Երևանում տեղակայված դեսպանատանը, Sputnik Արմենիային են հայտնել դիվանագիտական ներկայացուցչությունից։
Հայաստանում ՌԴ դեսպանատանը տեղակայված 8026 ընտրատեղամասը փակվել է նախատեսված ժամին` տեղի ժամանակով ժամը 20:00–ին։
Վերջին երկու քվեարկողները հասցրել են ընտրատեղամաս մտնել այն փակվելուց մեկ րոպե առաջ։
Նախնական տվյալների համաձայն` ընտրողների թիվը գերազանցել է 4.5 հազարը, վերջնահաշվարկի արդյունքում, հավանաբար, այդ թիվը կաճի։
Սա աննախադեպ մասնակցություն է ՀՀ տարածքում գտնվող դեսպանատան ընտրատարածքի համար։
Հիշեցնենք, որ Պետդումայի ընտրությունների ժամանակ ողջ օրվա ընթացքում Երևանում ՌԴ դեսպանատանը 1070 մարդ էր քվեարկել։
Հիշեցնենք նաև, որ այսօր` մարտի 18-ին, Ռուսաստանում կայացան նախագահի ընտրություններ, բացվել էր ավելի քան 97 հազար ընտրատեղամաս, որոնցից ավելի քան 400–ը` երկրի սահմաններից դուրս։
Քվեարկության ընթացակարգին հետևում էր մոտ 1.5 հազար միջազգային դիտորդ 109 երկրից։
Ռուսաստանի նախագահի պաշտոնին հավակնում էր 8 թեկնածու։