ԵՐԵՎԱՆ, 5 մարտի — Sputnik. Ոստիկանության Մեծամորի բաժնի հետաքննչական բաժանմունքում նյութեր են նախապատրաստվում երեկ՝ մարտի 4-ին, Արմավիրի մարզում տեղի ունեցած արտակարգ դեպքի փաստով։ Այս մասին հայտնում է shamshyan.com-ը։
Ժամը 10։30-ի սահմաններում Արտակարգ իրավիճակների նախարարության Փրկարար ծառայության «911» ծառայություն ահազանգ է ստացվել, որ Հայաստանի ատոմային էլեկտրակայանը պայթեցնելու են։
Ոստիկանները կարճ ժամանակում պարզել են, որ ահազանգողը եղել է Արմավիր քաղաքի բնակիչ՝ 49-ամյա Տիգրան Խաչատրյանը, որին հայտնաբերել և բերման են ենթարկվել Մեծամորի ոստիկանություն։
Նա հայտարարել է, որ ինքն այդ կեղծ ահազանգը կատարել է, քանի որ էլեկտրիկը նրանից պահանջել է սպառած էլեկտրաէներգիայի գումարը և ասել, որ եթե վճարումը չկատարի, կհոսանքազրկի նրա բնակարանը, ինչից հետո էլ Խաչատրյանն ահազանգել է «911»։