«Այդ շիկահերը շանսեր չուներ». Արարատ Քեշչյանը բացահայտել է իր անձնական գաղտնիքը

ԵՐԵՎԱՆ, 2 մարտի — Sputnik.  Հայտնի ռուսաստանցի դերասան Արարատ Քեշչյանը սրտառուչ լուսանկար է հրապարակել դստեր հետ Instagram սոցցանցում։

Նորածին աղջիկը, որին Դիանա են անվանել, հիացմունք է առաջացրել արտիստի երկրպագուների շարքում։ Հաշված ժամերի ընթացքում լուսանկարն ավելի քան 100 հազար լայք է հավաքել։ Հրապարակման տակ Քեշչյանը մանրամասներ է պատմել անձնական կյանքից.

«Մի անգամ հարցրեցի կնոջս, թե իմ մեջ ինչն է այդքան գրավել նրան։ Նա պատասխանեց.

— Լուսափայլ ժպիտը։

Նայում եմ այս նկարին և մտածում. երևի այո։ Այդ շիկահերը շանսեր չուներ»։

Ռուսաստանցի դերասան, կատակերգու Արարատ Քեշչյանը նոյեմբերի 13–ին երկրորդ անգամ հայր է դարձել, ծնվել է նրա երկրորդ դուստրը։

Արարատ Քեշչյանը, որը հայտնի է «Ունիվեր» սերիալում Մայքլի դերով, երիտասարդ տարիքում խաղացել է «ՌՈՒԴՆ–ի հավաքական» ՈՒՀԱ–ի թիմում։