ԵՐԵՎԱՆ, 1 մարտի — Sputnik. Հանրահայտ շոումեն, երգիծաբան և դերասան Միխայիլ Գալուստյանը Instagram սոցցանցում հոկեյի օլիմպիական հաղթողների նվերներով տեսանյութ է հրապարակել։
«Կիրիլ Կապրիզով, շնորհակալություն նվերի համար… Հենց այս մականով է նա հաղթական գոլը խփել գերմանացիների հետ խաղում… Բացի այդ, ուզում եմ առանձին շնորհակալություն հայտնել Պաշկա Դացյուկին ահա այս ձեռնոցների համար. հրաշալի են և տղաների ինքնագրերով», — գրել է Գալուստյանը։
Նա պարծեցել է նաև պաստառով, որի վրա ոսկե մեդալակիրներն իրենց ինքնագրերն են թողել։
Հիշեցնենք, որ Ռուսաստանը Գերմանիային հաղթել է 4:3 հաշվով։ Խաղի ժամանակ աչքի են ընկել Վյաչեսլավ Վոյնովը, Նիկիտա Կրյուկովն ու Նիկիտա Գուսևը։ Լրացուցիչ ժամանակում որոշիչ գոլը խփել է Կիրիլ Կապրիզովը։ Ռուսաստանի հավաքականի հարձակվող Նիկիտա Գուսևը 2018 թվականի օլիմպիադայի լավագույն ռմբարկուն է դարձել։
Instagram-ի օգտատերերը շատ են հավանել օլիմպիականների ընծայած նվերները, հաշված ժամերի ընթացքում տեսանյութը դիտել են ավելի քան 600 հազար անգամ։ Գալուստյանի երկրպագուների մեծամասնությունը շնորհավորել են նրան նոր նվերների կապակցությամբ։ Ոմանք նույնիսկ նախանձել են նրան։
«Խորամանկ հայ, ամեն ինչ իրեն է վերցրել, ծերություն տարիներին կվաճառի միլիոններով», — տեսանյութի տակ գրել է ak______84 օգտատերը։
Արտիստի երկրպագուները այդ մեկնաբանության հեղինակին նախանձ են անվանել և խորհուրդ են տվել, որ ավելի զուսպ պահի իրեն։
Հայկական արմատներով Միխայիլ Գալուստյանին սիրում են և՛ Ռուսաստանում, և՛ Հայաստանում։ «Հղի տղամարդը», «Այն Կարլսոնը» և «Ամենալավ ֆիլմը» հայտնի ֆիլմերի հերոսը հանդիսատեսի սրտերը գերել է հիշվող կերպարներով և դերերով։ Գալուստյանը հազվադեպ է իր բաժանորդներին ուրախացնում, բայց երբ որոշում է զվարճացնել, դա նրա մոտ շատ դիպուկ է ստացվում։