ԵՐԵՎԱՆ, 1 մարտի — Sputnik. Վարչապետի թեկնածության վերաբերյալ ՀՀԿ դիրքորոշումն անփոփոխ է։ Այս մասին ԱԺ-ում լրագրողներին ասաց ՀՀԿ խմբակցության ղեկավար Վահրամ Բաղդասարյանը։
Կուսակցությունը մինչև այսօր նոր վարչապետի թեկնածության մասին հայտարարություն չի արել։ Այն հարցին, թե Սերժ Սարգսյանը չի պատրաստվո՞ւմ այդ պաշտոնին, Բաղդասարյանը պատասխանեց.
«Ժամանակը կգա, մենք կքննարկենք մեր թեկնածուի հարցը։ Այո, եթե անվտանգության նկատառումներից ելնելով` որոշում կայացվի, որ տվյալ մարդը պետք է ստանձնի կառավարման պատասխանատվությունը, մենք կառաջադրենք այդ մարդու թեկնածությունը, լինի դա Սերժ Սարգսյանը կամ ուրիշ մեկը»։
«Ելք» դաշինքի պատգամավորները նույն հարցն ուղղեցին ՀՀ նախագահի թեկնածու Արմեն Սարգսյանին, բայց նա հրաժարվեց պատասխանել` կոչ անելով հարցն ուղղել անձամբ Սերժ Սարգսյանին։
Նշենք, որ երկրի նոր նախագահը կդառնա Սահմանադրության կատարման անկուսակցական արբիտր։ Գործադիր իշխանության ամբողջ պատասխանատվությունը կստանձնի վարչապետը։