ԵՐԵՎԱՆ, 16 փետրվարի — Sputnik. Լոնդոնի «Արսենալի» կիսապաշտպան Հենրիխ Մխիթարյանն անգլիական ակումբի պաշտոնական կայքում անցկացված քվեարկության արդյունքում ճանաչվել է շվեդական «Էստերսունդի» դեմ Եվրոպայի լիգայի 1/16 եզրափակիչի առաջին խաղի լավագույն ֆուտբոլիստ։ Քվեարկության արդյունքները հրապարակվել են այսօր` փետրվարի 16-ին։
Հենրիխ Մխիթարյանին օգտին ե քվեարկել մասնակիցների 63%-ը, Մեսութ Օզիլը քվեների 25 տոկոսով հայտնվել է երկրորդ հորիզոնականում, իսկ եռյակը եզրափակել է Նաչո Մոնրեալը (15%)։ Մյուս խաղացողների քվեներն աննշան են։
Հիշեցնենք, որ «զինագործները» երեկ երեկոյան 3:0 հաշվով հաղթեցին «Էստերսունդին»։ Մխիթարյանը խաղաց մեկնարկային կազմում և նրա օգնությամբ Օզիլը գոլի հեղինակ դարձավ։
Հենրիխը փոխարինվեց խաղի 84-րդ րոպեին։