ԵՐԵՎԱՆ, 9 փետրվարի — Sputnik. Ռուսաստանաբնակ հայտնի դիմահարդար Գոհար Ավետիսյանը լուսանկար է հրապարակել, որում ներկայացել է Ջոկոնդայի կերպարով։
«Մեր օրերի Մոնա Լիզան, հայկական տարբերակ», — լուսանկարին կից գրել է նա։
Աշխարհի ամենահայտնի դիմահարդարներից մեկը` Գոհար Ավետիսյանը, հաճախ է Instagram-ի իր օգտատերերին ուրախացնում կերպարանափոխություններով։
Նա վարպետորեն կարողանում է ծածկել դեմքի թերությունները, փոխել տարիքն ու ամբողջությամբ կերպարանափոխել մարդուն։
Գոհարի ու Վահիկի ավանդական հայկական հարսանիքը տեղի է ունեցել Երևանում 2016 թվականի նոյեմբերի 19-ին։
Գոհարն ինքնուրույն է հասել հաջողության, նա ինքնուս դիմահարդար է: Այս ոլորտում առաջին փորձերը կատարել է 11-12 տարեկանում: 16 տարեկանում ընդունվել է Ժողտնտեսության և պետական ծառայության ռուսական ակադեմիայի տնտեսագիտական ֆակուլտետ:
Արդեն առաջին կուրսում սկսել է դիմահարդարել բոլոր ընկերուհիներին և ծանոթներին: Հետաքրքրությունը դարձել է աշխատանք, և նա թողել է ուսումը: 2012թ-ին սկսել է դասախոսել, դիմահարդարման վարպետության դասեր է անցկացրել, իսկ հիմա նա Մոսկվայի կենտրոնում սեփական դպրոց և ստուդիա ունի:
Գոհար Ավետիսյանի դիմահարդարման դասընթացները մեծ պահանջարկ ունեն։ Թեև դրանք էժան չեն, բայց տեղերը մի քանի ամիս առաջ արդեն զբաղված են լինում։ Գոհարը հաճախ վարպետության դասեր է տալիս նաև ԱՊՀ երկրներում։ Instagram-ում ավելի քան 4.5 մլն բաժանորդ ունի։