ԵՐԵՎԱՆ, 6 փետրվարի — Sputnik. ԱԺ–ում արտահերթ նիստ կանցկացվի գների թանկացման թեմայով։
Ինչպես հերթական նիստի ժամանակ հայտնեց «Ծառուկյան» դաշինքից ԱԺ փոխխոսնակ Միքայել Մելքումյանը, խմբակցությունը կմիանա ընդդիմադիր «Ելք» դաշինքի գործընկերներին։ Այդպիսով` կուսակցությունը կհավաքի անհրաժեշտ 27 ստորագրությունները։
«Ելք» դաշինքը պահանջել է քննարկել 2018 թվականի հունվարի 1-ից գազի և դիզվառելիքի հարկերի թանկացումների հարցը (գազի պարագայում թանկացել են ակցիզները, դիզվառելիքի պարագայում` ԱԱՀ են մտցրել)։
Նախօրեին «Ելքը» Երևանի կենտրոնական փողոցներում ընդդեմ թանկացումների բողոքի երթ էր անցկացրել, որին շուրջ հազար մարդ էր մասնակցել։