ԵՐԵՎԱՆ, 4 փետրվարի — Sputnik. Թեթև քաշային կարգում WBA International-ի չեմպիոն ռուսաստանաբնակ Միխայիլ Ալոյանը չորս մարտերի ընթացքում չորրորդ հաղթանակը տարավ պրոֆեսիոնալ ռինգում՝ հաղթելով Ալեքսանդեր Էսպինոզային։ Այս մասին հայտնում է Ռ-Սպորտը։
Սոչիում տեղի ունեցած մենամարտում 29-ամյա Ալոյանը մրցավարների որոշմամբ հաղթել է 37-ամյա վենեսուելացի Ալեքսանդր Էսպինոզային՝ 96:95, 96:94, 94:96 հաշիվներով:
Էսպինոզայի համար այս պարտությունն առաջինն էր․ իր կարիերայի ընթացքում նա 15 հաղթանակ է տարել ու երկու ոչ-ոքի։
Այլ մարտերում ռուս թեթև քաշային Ռոման Անդրեևը տեխնիկական նոկաուտով հաղթեց բրիտանացի Քրեյգ Էվանսին իններորդ ռաունդում, ևս մեկ ռուսաստանցի թեթև քաշային Վահե Սարուխանյանը յոթերորդ ռաունդում զիջեց ճապոնացի Խարիկեյն Ֆուտային։