ԵՐԵՎԱՆ, 3 փետրվարի — Sputnik. Այսօր առավոտյան Իտալիայի Մաչերատա քաղաքում անհայտ անձը Alfa Romeo 147 մակնիշի սև գույնի ավտոմեքենայից կրակ է բացել անցորդների ուղղությամբ, հայտնում է Daily Mail-ը: Նշվում է, որ նախնական տվյալով` 6 մարդ է տուժել:
Աղբյուրի տվյալով` կրակ բացած անձը շրջել է քաղաքում և անկանոն կրակոցներ արձակել անցորդների ուղղությամբ:
Հանցագործին բռնելու համար ոստիկանական ուժեր են ներգրավվել, ուսումնասիրվում են տեսանկարահանող սարքերի ձայնագրությունները: Մաչերատայի քաղաքապետը Twitter-ի միջոցով հորդորել է մարդկանց տնից դուրս չգալ, մինչև հանցագործին չհայտնաբերեն:
Որոշ տվյալներով` կրակողները երկուսն են եղել:
Մաչերատան Մարկե մարզի նույնանուն գավառի վարչական կենտրոնն է, գտնվում է երկրի կենտրոնական հատվածի արևելքում: