ԵՐԵՎԱՆ, 17 հունվարի — Sputnik. Թալինի ավագ դպրոցի «Արմաթ» լաբորատորիայի սաները արդեն AR հավելվածներ են գրում։
ԱՄՆ «լրացված» նախագահ Դոնալդ Թրամփի կերպարը հայտնվել է լաբորատորիայի Facebook–յան էջում։ Բացի սկանդալային քաղաքական գործչից դպրոցականները նաև վիրտուալ կմախք են ստեղծել, ինչը, հաշվի առնելով կերպարի մանրամասներն ու բարդ անիմացիան, ավելի դժվար էր։
Լրացված իրականությունը (augmented reality — AR)` իրական ժամանակի ռեժիմում իրական աշխարհում թվային կոնտենտի ներդրման տեխնոլոգիայի ընդհանուր անվանումն է։
Նշենք, որ Հայաստանում կա «Արմաթ» դպրոցական ռոբոտաշինության 210 լաբորատորիա (մասամբ դրանք հովանավորվում են ՏՏ բիզնեսի կողմից): Այնտեղ դասերից հետո աշակերտներին օգնում են անվճար սովորել ինժեներիայի հիմունքներ:
9 տարիների ընթացքում այդ խմբակներից դպրոցականների 84% —ը գնացել է բուհեր, իսկ 12% —ն արդեն սկսել են իրենց ստարտափերը:
Հայաստանում ռոբոտաշինության դպրոցական խմբակները գործում են 2008 թ.-ից: Հայաստանի ՏՏ ձեռնարկությունների միության (UITE) վերջերս անցկացրած հարցման համաձայն՝ տարբեր տարիների ընթացքում այդ խմբակների աշակերտների 84% —ն ընդունվել է բուհեր, 39% —ը ուսման հետ համատեղ արդեն աշխատում է, 12% —ը ստեղծել է իր սեփական ստարտափերը: