ԵՐԵՎԱՆ, 4 հունվարի — Sputnik. Սպահանում հայոց թեմի պատրիարքական տեղապահ, Սիփան արքեպիսկոպոս Քեչեջյանը Սպահանի նահանգապետ Մոհսեն Մեհրալիզադեի հետ հանդիպման ժամանակ ասել է, որ Իրանում բողոքի ցույցերը ուղղորդվում են օտարերկրյա տարրերի կողմից։ Այս մասին հաղորդում է Tasnim-ը։
Արքեպիսկոպոս խորը ափսոսանք է հայտնել երկրում տեղի ունեցող վերջին միջադեպերի վերաբերյալ, որոնք մարդկային կյանքեր են խլել ու վանդալիզմի տարրեր են պարունակել։ «Ցավոք, որոշները ձգտում են խռովություն բարձրացնել Իրանում»,- ասել է արքեպիսկոպոսը՝ նկատելով, որ անկարգությունները կազմակերպվել են արտերկրից։
Նշենք, որ Իրանի նախագահ Հասան Ռոհանին էլ հայտարարել է, թե բողոքները պայմանավորված են ներքին խնդիրներով, սակայն օտար երկրների հրահրմամբ։ Վերջին տվյալներով` անկարգությունների հետևանքով երկու տասնյակից ավելի մարդ է զոհվել, 450 մարդ ձերբակալվել է։