ԵՐԵՎԱՆ, 6 մայիսի – Sputnik. Հակաօդային պաշտպանության ուժերը գիշերը Ռուսաստանի տարածքում ոչնչացրել են ավելի քան 50 ուկրաինական անօդաչու թռչող սարք, հայտնել է Ռուսաստանի պաշտպանության նախարարությունը։
«Անցած գիշեր՝ մայիսի 5-ի ժամը 21:00-ից մինչև մայիսի 6-ի ժամը 07:00-ն (Մոսկվայի ժամանակով), հակաօդային պաշտպանության տագնապի համակարգերը Բելգորոդի, Բրյանսկի և Կուրսկի մարզերի, Մոսկվայի մարզի, Ղրիմի Հանրապետության և Սև ծովի վրա որսացել և ոչնչացրել են ուկրաինական 53 անօդաչու թռչող սարք», - ասվում է հայտարարության մեջ։
Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ ռազմական հատուկ գործողություն սկսելու որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Մարտական գործողություններն ընթանում են մինչ օրս։
Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։