ԵՐԵՎԱՆ, 6 մայիսի – Sputnik, Դավիթ Գալստյան. ԱՄՆ–ից արտաքսված անձանց տեղափոխող հերթական ինքնաթիռը օրերս վայրէջք է կատարել «Զվարթնոց» օդանավակայանում։
Sputnik Արմենիայի տվյալներով՝ ինքնաթիռը ժամանել է Տեխասից՝ միջանկյալ վայրէջք կատարելով ԱՄՆ-ի արևելյան ափին։ Մինչ Երևան հասնելն ինքնաթիռը ևս մեկ վայրէջք կատարել Եվրոպայում։
ԱՄՆ–ից արտաքսված անձանց տեղափոխող հերթական օդանավն օրերս վայրէջք է կատարել Հայաստանում
© Photo : Flight Radar 24
Դատելով երթուղուց՝ ինքնաթիռում եղել են մի քանի երկրի քաղաքացիներ։
Հիշեցնենք՝ 2026 թ. հունվարին մենք գրել էինք, որ ԱՄՆ-ից արտաքսված քաղաքացիներ տեղափոխող ինքնաթիռ է ուղարկվել Հայաստան։ Եվս 2 չվերթ էլ իրականացվել է անցյալ տարի։
ՀՀ կառավարությունը Sputnik Արմենիայի հարցմանն ի պատասխան հրաժարվել էր տվյալներ տրամադրել ԱՄՆ-ից արտաքսված քաղաքացիների թվի մասին։