ԵՐԵՎԱՆ, 2 մայիսի - Sputnik. Հայրենական մեծ պատերազմում տարած հաղթանակի մոտալուտ 81-րդ տարեդարձի կապակցությամբ Հայաստանում Ռուսաստանի դեսպանատան աշխատակիցները շնորհավորել են հանրապետությունում բնակվող վետերաններին: Այս մասին հայտնում է դիվանագիտական առաքելության տելեգրամյան ալիքը։
Մեծ հաղթանակի 81-րդ տարեդարձի կապակցությամբ ՌԴ դիվանագետները «Ժառանգություն և Առաջընթաց» (Наследие и Прогресс) հիմնադրամի ներկայացուցիչների հետ միասին շնորհավորել են Հայրենական մեծ պատերազմի վետերան Խորեն Հարությունյանին
© Photo : Посольство России в Армении
Դիվանագետները «Ժառանգություն և Առաջընթաց» (Наследие и Прогресс) հիմնադրամի ներկայացուցիչների հետ միասին այցելել են վետերաններին և անձամբ շնորհավորել նրանց գալիք տոնի առթիվ:
Մեծ հաղթանակի 81-րդ տարեդարձի կապակցությամբ ՌԴ դիվանագետները «Ժառանգություն և Առաջընթաց» (Наследие и Прогресс) հիմնադրամի ներկայացուցիչների հետ միասին շնորհավորել են Հայրենական մեծ պատերազմի վետերան Աննա Մազմանյանին
© Photo : Посольство России в Армении
Հյուրերին ընդունել են Վարոս Հմայակի Ավետիսյանը (մասնակցել է Կովկասի և Ստալինգրադի պաշտպանությանը, Վիլնյուսի, Մինսկի, Քյոնիգսբերգի և Վարշավայի ազատագրմանը), Մեխակ Տիգրանի Ավետիսյանը (մասնակցել է Պսկովի պաշտպանությանը, Մերձբալթիկայի ազատագրմանը), Խորեն Սերգեյի Հարությունյանը (մասնակցել է Մերձբալթիկայի, Լեհաստանի ազատագրմանը, հասել է Բեռլին), Ասատուր Ալումի Բազիյանը (մասնակցել է Ուկրաինայի և Լեհաստանի ազատագրմանը), ինչպես նաև Գալինա Պավելի Պետուխովան (վերապրել է Լենինգրադի պաշարումը) և Աննա Դմիտրիի Մազմանյանը (ֆաշիստական համակենտրոնացման ճամբարների նախկին գերի):