ՌԴ զորքը վերահսկողության տակ է վերցրել Դոնեցկի և Սումիի մարզի համանուն բնակավայրերը

ԵՐԵՎԱՆ, 29 ապրիլի – Sputnik. Ռուսական զորքը վերահսկողություն է հաստատել Դոնեցկի Նովոդմիտրովկա բնակավայրի նկատմամբ։ Այս մասին հայտնում է Ռուսաստանի պաշտպանության նախարարությունը։

Նշվում է, որ բնակավայրը վերահսկողության տակ է վերցվել «Հարավ» զորախմբավորման ստորաբաժանումների կողմից:

Գերատեսչությունը տեղեկացնում է, որ ռուսական բանակը վերահսկողություն է հաստատել նաև Սումիի մարզի Նովոդմիտրովկայի նկատմամբ. գործողությունն իրականացրել են «Հյուսիս» զորախմբավորման ստորաբաժանումները։

Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ ռազմական հատուկ գործողություն սկսելու որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։

Պուտինի խոսքով` նպատակը մեկն է` պաշտպանել նրանց, ովքեր 8 տարի շարունակ ծաղրի ու ցեղասպանության են ենթարկվել Կիևի ռեժիմի կողմից, և դրա համար նախատեսվում է իրականացնել Ուկրաինայի ապառազմականացում և ապազգայնականացում, դատի տալ բոլոր ռազմական հանցագործներին, որոնք պատասխանատու են Դոնբասի խաղաղ բնակիչների դեմ արյունալի հանցագործությունների համար: Արևմուտքի երկրներն ի պատասխան լայնածավալ պատժամիջոցներ են սահմանել Ռուսաստանի դեմ։

Մարտական գործողություններն ընթանում են մինչ օրս։

Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։