ԵՐԵՎԱՆ, 28 ապրիլի – Sputnik. Ուկրաինայի զինված ուժերը հարված են հասցրել Բելգորոդի մարզի Դոբրոյե գյուղին, ինչի հետևանքով տուժել է երկու մարդ։ Այս մասին հայտնել է մարզպետ Վյաչեսլավ Գլադկովը։
«Ուկրաինայի զինված ուժերը ահաբեկչական հարված են հասցրել երկու կառավարվող ավիացիոն ռումբերի օգնությամբ։ Թշնամին նպատակաուղղված հարված է հասցրել Գրայվորոնի շրջանի Դոբրոյե գյուղի սոցիալական օբյեկտին։ Երկու տղամարդ ստացել են բարոտրավմաներ, ականապայթյունային վնասվածքներ, մեջքի և ոտքերի սալջարդեր»,-իր Telegram-ալիքում գրել է Գլադկովը։
Նա հստակեցրել է, որ Գրայվորոնի շրջանային կենտրոնական հիվանդանոցի բժիշկների գնահատմամբ՝ տուժածների վիճակը միջին ծանրության է։
Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ ռազմական հատուկ գործողություն սկսելու որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Մարտական գործողություններն ընթանում են մինչ օրս։
Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։