ԵՐԵՎԱՆ, 22 ապրիլի - Sputnik. Մոսկվան Կիևի կողմից ուկրաինական հակամարտության կարգավորման քաղաքական կամք չի տեսնում։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։
Նա նշել է, որ Ռուսաստանի ղեկավար Վլադիմիր Պուտինը պատրաստ է հանդիպել Վլադիմիր Զելենսկու հետ, բայց այդ բանակցությունները կարող են կայանալ միայն պայմանավորվածություններն ավարտին հասցնելու համար:
«Դրան պետք է նախորդի լուրջ աշխատանք, բայց կարևորը Կիևի ռեժիմի քաղաքական կամքն է, որը չենք տեսնում», — ասել է Կրեմլի ներկայացուցիչը «Վեստի» հեռուստաալիքին։
Ավելի վաղ Ռուսաստանի արտաքին գործերի նախարար Սերգեյ Լավրովը հայտարարել էր՝ ռուսական կողմը հույս ունի, որ Ալյասկայում ձեռք բերված պայմանավորվածությունները կյանքի կկոչվեն։ Նա նաև նշել էր, որ Ռուսաստանը չի հեռանում ուկրաինական կարգավորման բանակցություններից և համապատասխան հարցում լինելու դեպքում պատրաստ է այն դիտարկել։