ԵՐԵՎԱՆ, 20 ապրիլի – Sputnik. Եվրասիական տնտեսական հանձնաժողովի (ԵՏՀ) կոլեգիան վեց ամսով Վիետնամից հագուստի որոշակի տեսակների, այդ թվում՝ տրիկոտաժի համար նախատեսված տրիգերային պաշտպանական միջոցներ է ներդրել. այդ ապրանքների համար ԵԱՏՄ ներմուծման արտոնյալ ռեժիմը ժամանակավորապես կվերացվի։
ԵՏՀ առևտրային բլոկը հայտնել է, որ ներմուծման տուրքը տարբերվում է՝ կախված ապրանքի տեսակից և միջինում կազմում է 10%, բայց ոչ պակաս, քան 1.875-2.20 եվրո մեկ կգ–ի համար։
ԵՏՀ-ն բացատրել է, որ զրոյական դրույքաչափի ժամանակավոր չեղարկման հիմքը Վիետնամից ապրանքների ներմուծման 2025 թվականի վերջին նախատեսված՝ համաձայնագրով սահմանված սահմանային մակարդակի գերազանցումն է։
«Այս միջոցառումը ձեռնարկելով՝ մենք կապահովենք Վիետնամի հետ ազատ առևտրի համաձայնագրի պարամետրերի պահպանումը և կաջակցենք ԵԱՏՄ արտադրողներին», – նշել է ԵՏՀ առևտրի նախարար Անդրեյ Սլեպնևը, որի խոսքերն են մեջբերվում հաղորդագրության մեջ։
Որոշումն ուժի մեջ կմտնի պաշտոնական հրապարակումից 30 օրացուցային օր հետո։