ԵՐԵՎԱՆ, 15 ապրիլի – Sputnik. Թուրքիայի Ղահրամանմարաշ քաղաքի դպրոցում կրակոցների հետևանքով զոհերի թիվը հասել է 9-ի։ Այս մասին հայտնել է Թուրքիայի ՆԳ նախարար Մուստաֆա Չիֆթչին։
«Միջադեպի հետևանքով 9 մարդ է զոհվել՝ 8 աշակերտ և 1 ուսուցիչ», – լրագրողներին հայտնել է նախարարը։
Նրա խոսքով՝ 13 տուժածներ շարունակում է մնալ հիվանդանոցում, որոնցից 6-ը վերակենդանացման բաժանմունքում, 3-ը՝ ծանր վիճակում։
Միևնույն ժամանակ, Թուրքիայի ներքին գործերի նախարարը հայտարարել է, որ Ղահրամանմարաշի դպրոցի վրա հարձակումը ահաբեկչական հարձակում չէր։
«Ուզում եմ ընդգծել, որ խոսքը ահաբեկչության մասին չէ, սա մեկ աշակերտի գործողություն է», – ասել է նա։
Նախարարը պարզաբանել է, որ իշխանությունները որոշել են չեղարկել դասերը նահանգի բոլոր դպրոցներում հինգշաբթի և ուրբաթ օրերին։
Ապրիլի 15-ին ութերորդ դասարանի աշակերտը կրակ է բացել Ղահրամանմարաշի դպրոցում։ Միջադեպի հետևանքով 9 մարդ է զոհվել, այդ թվում՝ 8 աշակերտ։ 13 վիրավոր շարունակում են մնալ հիվանդանոցում, որոնցից երեքը ծանր վիճակում են։ Հարձակվողն ինքնասպան է եղել։