ԵՐԵՎԱՆ, 14 ապրիլի – Sputnik. Մոսկվայում ականապատ էլեկտրական սկուտերի միջոցով ահաբեկչական հարձակման փորձ կատարելու գործի շրջանակում Ուկրաինայի, Մոլդովայի և Ռուսաստանի 3 քաղաքացիներ են ձերբակալվել։ Տեղեկությունը հայտնում է Ռուսաստանի անվտանգության դաշնային ծառայությունը։
«ՌԴ ԱԴԾ–ն ձերբակալել է Ուկրաինայի (1980 թվականին ծնված), Մոլդովայի (1991 թվականին ծնված) և Ռուսաստանի (2009 թվականին ծնված) քաղաքացիների, որոնք ներգրավված են Մոսկվայում իրավապահ մարմնի բարձրաստիճան աշխատակցի դեմ ահաբեկչական հարձակման նախապատրաստման,», - ասվում է հաղորդագրության մեջ։
Պարզվել է, որ Ուկրաինայի զինված ուժերի զինծառայողներից մեկին Մոսկվա են ուղարկել, որպեսզի բիզնես կենտրոնի մոտ էլեկտրական սկուտերը պայթեցնելու միջոցով սպանի ՌԴ բարձրաստիճան զինծառայողի։
«Ուկրաինայի քաղաքացին Ուկրաինայի զինված ուժերի զինծառայող է և մասնակցել է Ռուսաստանի զինված ուժերի դեմ մարտական գործողություններին ԴԺՀ-ում, Զապորոժիեի և Սումիի մարզերում։ 2025 թվականի մարտին նա հավաքագրվել է Ուկրաինայի անվտանգության ծառայության կողմից և ուղարկվել Մոսկվա՝ հետախուզություն անցկացնելու և զինծառայողի սպանելու համար», – ասվում է գերատեսչության հաղորդագրության մեջ։
ԱԴԾ-ն պարզաբանում է, որ համակարգողի հրահանգով նա թաքստոցից պայթուցիկ սարքի բաղադրիչներ է վերցրել, այնուհետև խոցող տարրերով ինքնաշեն պայթուցիկ սարք հավաքել, որը հետագայում տեղադրել է էլեկտրական սկուտերի բեռնախցիկում։
Իրավապահները Ուկրաինայի անվտանգության ծառայության ծրագրած ահաբեկչությունը կանխել են 2026 թվականի ապրիլի 2-ին։