_underway_in_the_Gulf_of_Mexico_on_15_July_2019_(190715-O-N0101-115).JPG){kind=link}
ԵՐԵՎԱՆ, 6 ապրիլի - Sputnik. Իրանցի զինվորականները հարձակվել են ավելի քան 5 հազար զինվորականներ տեղափոխող ԱՄՆ LHA7 դեսանտային նավի վրա՝ ստիպելով նահանջել Հնդկական օվկիանոսի խորքերը: Այս մասին հայտնում է Իրանի պետական հեռուստառադիոընկերությունը՝ վկայակոչելով Իրանի Իսլամական հեղափոխության պահապանների կորպուսը։
«ԱՄՆ բանակի ուղղաթիռակիր և LHA7 դեսանտային նավը՝ ավելի քան 5 հազար նավաստիներով ու հետևակայիններով, ենթարկվել է իրանական հարձակման, ինչից հետո ստիպված է եղել նահանջել Հնդկական օվկիանոսի հարավային հատվածի խորքեր», – ասվում է հրապարակման մեջ:
Նշվում է, որ Մերձավոր Արևելքում ԱՄՆ-ի և Իսրայելի օբյեկտների դեմ ԻՀՊԿ-ն իրականացրել է «Ճշմարիտ խոստում 4» գործողության 98-րդ փուլը: Նշված ալիքի ընթացքում հարձակման են ենթարկվել «ԱՄԷ-ի և իսրայելական ռեժիմի անօդաչու թռչող սարքերի հավաքման համատեղ կենտրոնը», ինչպես նաև Քուվեյթում ամերիկյան Ալի աս-Սալեմ բազայում գտնվող թռչող սարքերը:
Հիշեցնենք` ԱՄՆ–ն ու Իսրայելը փետրվարի 28-ի առավոտյան սկսեցին հարվածներ հասցնել Իրանին։
Իրանը մարտի 1–ից պատասխան հրթիռային հարվածներ է հասցնում Իսրայելի տարածքին, ինչպես նաև Մերձավոր Արևելքում գտնվող ամերիկյան ռազմական օբյեկտներին: