ԵՐԵՎԱՆ, 1 ապրիլի - Sputnik. ԱՄՆ նախագահ Դոնալդ Թրամփը հայտարարել է, թե Իրանի նոր առաջնորդը (նշված չէ, թե ում մասին է խոսքը- խմբ.) «նվազ արմատական է և զգալիորեն ավելի խելացի է», քան իր նախորդները, և Իրանից իբր հրադադարի խնդրանք է ստացվել։ Այս մասին նա գրել է Truth Social սոցիալական ցանցում։
Թրամփն ընդգծել է, որ Վաշինգտոնը պատրաստ է հրադադարը դիտարկել միայն այն բանից հետո, երբ Հորմուզի նեղուցը բաց և ազատ կլինի նավագնացության համար։
«Մենք կդիտարկենք այդ հարցը, երբ Հորմուզի նեղուցը դառնա բաց, ազատ և անվտանգ։ Իսկ մինչ այդ մենք Իրանը տաշեղների կվեածենք կամ, ինչպես ասում են, նրան հետ կուղարկենք քարե դար»,-գրել է ԱՄՆ նախագահը։
Իրանի իշխանությունների կողմից հրադադարի խնդրանքի վերաբերյալ պաշտոնական հաստատում դեռևս չկա։
Հիշեցնենք` ԱՄՆ-ն և Իսրայելը փետրվարի 28-ի առավոտյան սկսեցին հարվածներ հասցրել Իրանին։ Սպանվեցին երկրի գերագույն հոգևոր առաջնորդ այաթոլլա Ալի Խամենեին, Իրանի զինված ուժերի գլխավոր շտաբի պետ Աբդուլռահիմ Մուսավին, պաշտպանության նախարար Ազիզ Նասիրզադեն, Իսլամական հեղափոխության պահապանների կորպուսի (ԻՀՊԿ) հրամանատար Մոհամմադ Պակպուրը և պաշտպանության խորհրդի քարտուղար Ալի Շամխանին:
Իրանը պատասխան հրթիռային հարվածներ է հասցնում Իսրայելի տարածքին, ինչպես նաև Մերձավոր Արևելքում գտնվող ամերիկյան ռազմական օբյեկտներին: