Տասնամյակներ շարունակ հարաբերական, բայց այնուամենայնիվ կայունություն ապահվող գործոնները գնալով նվազում են։ Այս մասին Միջազգային հարցերով ռուսական խորհրդի ընդհանուր ժողովում ասել է ՌԴ արտաքին գործերի նախարար Սերգեյ Լավրովը։
«Ընդհանուր առմամբ, նոր աշխարհում առաջատար դիրքերի համար պայքարն ընթանում է ծայրահեղ լուրջ՝ կենաց ու մահու պայքար է։ Մենք դա տեսնում ենք գրեթե ամեն օր... Գնալով նվազում են զսպող գործոնները, որոնք տասնամյակներ շարունակ ապահովել են հարաբերական, բայց այնուամենայնիվ կայունություն։ Եթե պարզ ասենք՝ որոշ երկրներ իրենց չափն անցել են», - ասել է Լավրովը։
Նա նշել է, որ որոշ երկրներ բացահայտ հռչակում են իրենց իրավունքները տարբեր տարածքների նկատմամբ՝ առանց իրավական հիմքեր ներկայացնելու։ Լավրովը սա համեմատել է հեռավոր անցյալի հետ՝ նշելով, որ «առանց որևէ օրինականության առևանգվում կամ կյանքից զրկվում են առանձին երկրների բարձրագույն ռազմաքաղաքական ղեկավարության ներկայացուցիչները»։