ԵՐԵՎԱՆ, 31 մարտի – Sputnik. ԱՄՆ նախագահ Դոնալդ Թրամփը ցանկանում է համաձայնագիր կնքել Իրանի հետ։ Այս մասին այսօր հայտարարել է Պենտագոնի ղեկավար Փիթ Հեգսեթը։
«Թրամփը կկնքի այն գործարքը, որը անհրաժեշտ է համարում, և Իրանը գիտի դրա պայմանները», – նշել է նա։
Հեգսեթի խոսքով՝ առաջիկա օրերը վճռորոշ կլինեն Իրանի դեմ ԱՄՆ գործողության ընթացքի համար։ Նա ընդգծել է, որ Վաշինգտոնը կարճ ժամանակահատվածում ձևակերպել է իր պահանջները, և Թեհրանը հասկանում է ռազմական արձագանքի համար իր հնարավորությունների սահմանափակ լինելը։
«Ընդամենը մեկ ամսում մենք նշել ենք մեր պայմանները։ Առաջիկա օրերը վճռորոշ կլինեն։ Իրանը հասկանում է, որ ռազմական ճանապարհով գրեթե ոչինչ չի կարողանա փոխել», – հայտարարել է Պենտագոնի ղեկավարը։
Հիշեցնենք` ԱՄՆ-ն և Իսրայելը փետրվարի 28-ի առավոտյան սկսեցին հարվածներ հասցրել Իրանին։ Սպանվեցին երկրի գերագույն հոգևոր առաջնորդ այաթոլլա Ալի Խամենեին, Իրանի զինված ուժերի գլխավոր շտաբի պետ Աբդուլռահիմ Մուսավին, պաշտպանության նախարար Ազիզ Նասիրզադեն, Իսլամական հեղափոխության պահապանների կորպուսի (ԻՀՊԿ) հրամանատար Մոհամմադ Պակպուրը և պաշտպանության խորհրդի քարտուղար Ալի Շամխանին: Իրանը պատասխան հրթիռային հարվածներ է հասցնում Իսրայելի տարածքին, ինչպես նաև Մերձավոր Արևելքում գտնվող ամերիկյան ռազմական օբյեկտներին: