ԵՐԵՎԱՆ, 31 մարտի – Sputnik. Առնվազն 11 բնակիչ է զոհվել Իրանի կենտրոնական մասում գտնվող Մահալաթ քաղաքի բնակելի շենքերին հասցված իսրայելա-ամերիկյան հարվածի հետևանքով։ Այս մասին հայտնում է «Tasnim» գործակալությունը՝ հղում անելով Մերքեզի նահանգի անվտանգության ծառայության պետի տեղակալին։
Հարվածը հասցվել է երեկ՝ ժամը 23:00-ի սահմաններում։ Հարձակման հետևանքով 4 բնակելի տուն ամբողջությամբ ավերվել է, 4-ը կիսավեր են, ևս 2-ը մասնակի վնասվել են։
Զոհվածների թվում կան երկու կին և երեք երեխա։ Եվս 15 մարդ տարբեր աստիճանի վնասվածքներ են ստացել։
Հիշեցնենք` ԱՄՆ-ն և Իսրայելը փետրվարի 28-ի առավոտյան սկսեցին հարվածներ հասցրել Իրանին։ Սպանվեցին երկրի գերագույն հոգևոր առաջնորդ այաթոլլա Ալի Խամենեին, Իրանի զինված ուժերի գլխավոր շտաբի պետ Աբդուլռահիմ Մուսավին, պաշտպանության նախարար Ազիզ Նասիրզադեն, Իսլամական հեղափոխության պահապանների կորպուսի (ԻՀՊԿ) հրամանատար Մոհամմադ Պակպուրը և պաշտպանության խորհրդի քարտուղար Ալի Շամխանին: Իրանը պատասխան հրթիռային հարվածներ է հասցնում Իսրայելի տարածքին, ինչպես նաև Մերձավոր Արևելքում գտնվող ամերիկյան ռազմական օբյեկտներին: