ԵՐԵՎԱՆ, 31 մարտի – Sputnik. Իրանի իսլամական հեղափոխության պահապանների կորպուսը (ԻՀՊԿ) հայտարարել է, որ մտադիր է հարվածներ հասցնել Մերձավոր Արևելքում գտնվող 18 ընկերության օբյեկտներին։ Այս մասին ասվում է ԻՀՊԿ-ի հայտարարության մեջ։
ԻՀՊԿ-ն պնդում է, որ «Sisco», HP, «Intel», «Oracle», «Microsoft», «Apple», «Google», «Meta» (գործունեությունը արգելված է ՌԴ–ում), IBM, DEL, «Plantier», «Nvidia», «GP Morgan», «Tesla», GE, «Spire Solution», «G42» և «Boeing» ընկերություններն ակտիվ մասնակցում են Իրանի դեմ ահաբեկչական պլանավորմանը։
«Այս ընկերությունները ապրիլի 1-ին Թեհրանի ժամանակով 20:00-ից (Մոսկվայի ժամանակով 19:30-ից) սկսած պետք է սպասեն իրենց հետ կապված ստորաբաժանումների ոչնչացմանը՝ ի պատասխան Իրանում տեղի ունեցող յուրաքանչյուր սպանության», – ասվում է ԻՀՊԿ–ի հայտարարության մեջ։
Հիշեցնենք` ԱՄՆ-ն և Իսրայելը փետրվարի 28-ի առավոտյան սկսեցին հարվածներ հասցրել Իրանին։ Սպանվեցին երկրի գերագույն հոգևոր առաջնորդ այաթոլլա Ալի Խամենեին, Իրանի զինված ուժերի գլխավոր շտաբի պետ Աբդուլռահիմ Մուսավին, պաշտպանության նախարար Ազիզ Նասիրզադեն, Իսլամական հեղափոխության պահապանների կորպուսի (ԻՀՊԿ) հրամանատար Մոհամմադ Պակպուրը և պաշտպանության խորհրդի քարտուղար Ալի Շամխանին: Իրանը պատասխան հրթիռային հարվածներ է հասցնում Իսրայելի տարածքին, ինչպես նաև Մերձավոր Արևելքում գտնվող ամերիկյան ռազմական օբյեկտներին:
Իրավիճակի սրացման ֆոնին մի շարք երկրներում վառելիքի գների աճ է նկատվում, ինչը կապված է Հորմուզի նեղուցով նավարկությունը փաստացի սահմանափակելու հետ (Հորմուզի նեղուցը Պարսից ծոցի երկրներից նավթի և հեղուկացված բնական գազի մատակարարման հիմնական երթուղին է)։ Ռուսաստանի փոխարտգործնախարար Անդրեյ Ռուդենկոն հայտնել է, որ Հորմուզի նեղուցի շուրջ ստեղծված իրավիճակի հարցը քննարկվում է ՄԱԿ-ի անվտանգության խորհրդի մակարդակով. արդեն ներկայացվել են տարբեր պետությունների համապատասխան բանաձևերի նախագծերը: