ԵՐԵՎԱՆ, 27 մարտի - Sputnik. Իսրայելական մարտական ավիացիան հարված է հասցնել Լիբանանի հարավում՝ Սայդա քաղաքի մոտակայքում գտնվող Սաքսակիայի բնակելի շենքերից մեկին։ Այս մասին հայտնում է ՌԻԱ Նովոստին։
Մի քանի րոպե անց ևս մեկ հարված է հասցվել Սաքսակիայի հարևանությամբ գտնվող Սարաֆանդ բնակավայրի մեկ այլ շենքի։
Դեպքի վայր ժամանած Սաքսակիայի բնակիչները պատմել են, որ շենքում բնակվում էին մի քանի ընտանիքներ, որոնք Լիբանանի հարավից տեղահանվածներ էին։ Հարվածի պահին շենքում մարդիկ եղել են, թե ոչ՝ դեռ հայտնի չէ։
Սարաֆանդ և Սաքսակիա բնակավայրերը գտնվում են Լիտանի գետից դեպի հյուսիս և ներառված չեն այն գոտում, որն իսրայելական բանակն ավելի վաղ սահմանել էր որպես մարտական գործողությունների շրջան (վերջինս անցնում է Լիտանի գետով և ընդգրկում է երկրի հարավային տարածաշրջանը)։
Իսրայելի և «Հզբոլլահի» միջև էսկալացիան սկսվել է 2026 թվականի մարտի 2-ի գիշերը, երբ լիբանանյան շարժումը վերսկսեց հրթիռային հարձակումները Իսրայելի տարածքի վրա՝ տարածաշրջանային իրավիճակի կտրուկ սրման ֆոնին։ Ի պատասխան՝ Իսրայելը սկսեց լայնամասշտաբ հարվածներ հասցնել Լիբանանին, ներառյալ երկրի հարավային շրջանները, Բեկաայի հովիտը և Բեյրութի արվարձանները։