ԵՐԵՎԱՆ, 26 մարտի - Sputnik. ՀՀ պաշտպանության նախարար Սուրեն Պապիկյանը Ֆրանսիա կատարած այցի շրջանակներում «Ֆրանսիայի միջազգային ձեռնարկությունների շարժում» կազմակերպությունում հանդիպել է պաշտպանական ոլորտի ֆրանսիական ընկերությունների ներկայացուցիչների հետ։
«Հանդիպման ընթացքում քննարկել են ՀՀ պաշտպանության նախարարության և ֆրանսիական ռազմական արդյունաբերության ձեռնարկությունների միջև համագործակցությանն առնչվող հարցեր»,–նշված է հաղորդագրության մեջ։
Պապիկյանը հանդիպել է ֆրանսիական ռազմական արդյունաբերության ներկայացուցիչների հետ
© Photo : press office of MoD of RA
Ավելի վաղ Պապիկյանը Ֆրանսիա կատարած պաշտոնական այցի շրջանակում հանդիպել էր Ֆրանսիայի նախագահի ռազմական գծով խորհրդական, հատուկ ռազմական շտաբի ղեկավար, բանակի գեներալ Վինսեն Ժիրոյի հետ։Քննարկվել էին պաշտպանության ոլորտում Հայաստան-Ֆրանսիա համագործակցությանը վերաբերող հարցեր։