ԵՐԵՎԱՆ, 26 մարտի – Sputnik. ԱՄՆ-ի և Իրանի բանակցությունները կարող են տեղի ունենալ հանգստյան օրերին Իսլամաբադում, Corriere della Sera թերթին տված հարցազրույցում հայտարարել է ՄԱԳԱՏԷ-ի գլխավոր տնօրեն Ռաֆայել Գրոսին։
«Ենթադրում եմ, որ դրանք ավելի ընդարձակ կլինեն և չեն վերաբերվի միայն միջուկային էներգետիկային, հակամարտության պատճառին։ Այս անգամ օրակարգում կլինեն նաև հրթիռները, Իսլամական Հանրապետության դաշնակից աշխարհազորայինները և Իրանի անվտանգության երաշխիքները», – հայտարարել է Գրոսին։
Ավելի վաղ հաղորդվել էր, որ ԱՄՆ-ն Իրանին հակամարտությունը դադարեցնելու 15 կետից բաղկացած առաջարկ է փոխանցել. միջնորդ է հանդիսացել Պակիստանը։
Հիշեցնենք` ԱՄՆ-ն և Իսրայելը փետրվարի 28-ի առավոտյան սկսեցին հարվածներ հասցրել Իրանին։ Սպանվեցին երկրի գերագույն հոգևոր առաջնորդ այաթոլլա Ալի Խամենեին, Իրանի զինված ուժերի գլխավոր շտաբի պետ Աբդուլռահիմ Մուսավին, պաշտպանության նախարար Ազիզ Նասիրզադեն, Իսլամական հեղափոխության պահապանների կորպուսի (ԻՀՊԿ) հրամանատար Մոհամմադ Պակպուրը և պաշտպանության խորհրդի քարտուղար Ալի Շամխանին: Մարտի 17-ին սպանվեց Իրանի անվտանգության խորհրդի քարտուղար Ալի Լարիջանին։
Իրանը պատասխան հրթիռային հարվածներ է հասցնում Իսրայելի տարածքին, ինչպես նաև Մերձավոր Արևելքում գտնվող ամերիկյան ռազմական օբյեկտներին: