ԵՐԵՎԱՆ, 24 մարտի – Sputnik. Ռուսաստանի զինուժը վերահսկողության տակ է վերցրել Խարկովի մարզի Պեսչանոյե բնակավայրը։ Այս մասին հայտնում է Ռուսաստանի պաշտպանության նախարարությունը։
Բնակավայրը վերահսկողության տակ է վերցվել «Հյուսիս» զորախմբավորման ստորաբաժանումների կողմից։
Միաժամանակ նշվում է, որ Ռուսաստանի բանակը զանգվածային հարված է հասցրել Ուկրաինայի ռազմարդյունաբերական համալիրի ձեռնարկություններին ու ռազմական օդանավակայաններին։
«Ի պատասխան Ուկրաինայի ահաբեկչական հարձակումների` Ռուսաստանի Դաշնության զինուժն այս գիշեր օդային և ցամաքային բազավորման բարձր ճշգրտության զենքերով, անօդաչու թռչող սարքերով զանգվածային հարված է հասցրել Ուկրաինայի ռազմարդյունաբերական համալիրի ձեռնարկություններին, որոնք տարբեր տեսակի հրթիռներ և դրանց բաղադրիչներ են արտադրում, ինչպես նաև ռազմական օդանավակայաններին։ Բոլոր օբյեկտները խոցված են», - ասվում է ռազմական գերատեսչության ամփոփագրում։
Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ ռազմական հատուկ գործողություն սկսելու որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Պուտինի խոսքով` նպատակը մեկն է` պաշտպանել նրանց, ովքեր 8 տարի շարունակ ծաղրի ու ցեղասպանության են ենթարկվել Կիևի ռեժիմի կողմից, և դրա համար նախատեսվում է իրականացնել Ուկրաինայի ապառազմականացում և ապազգայնականացում, դատի տալ բոլոր ռազմական հանցագործներին, որոնք պատասխանատու են Դոնբասի խաղաղ բնակիչների դեմ արյունալի հանցագործությունների համար: Արևմուտքի երկրներն ի պատասխան լայնածավալ պատժամիջոցներ են սահմանել Ռուսաստանի դեմ։
Մարտական գործողություններն ընթանում են մինչ օրս։
Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։