ԵՐԵՎԱՆ, 23 մարտի – Sputnik. ԱՄՆ նախագահ Դոնալդ Թրամփը Պենտագոնին հանձնարարել է 5 օրով հետաձգել իրանական էլեկտրակայաններին ուղղվված հարվածները: Նա այդ մասին գրել է «Truth Social»–ում։
Թրամփը նշել է, որ Վաշինգտոնն ու Թեհրանը վերջին երկու օրում շատ լավ և արդյունավետ բանակցություններ են անցկացրել, որոնք կշարունակվեն շաբաթվա ընթացքում:
«Հաճույքով տեղեկացնում եմ, որ Ամերիկայի Միացյալ Նահանգները և Իրանը վերջին երկու օրվա ընթացքում շատ լավ և արդյունավետ բանակցություններ են անցկացրել Մերձավոր Արևելքում մեր ռազմական գործողությունների ամբողջական և համակողմանի կարգավորման շուրջ։ Ելնելով այս խորը, մանրամասն և կառուցողական բանակցությունների բնույթից և տոնայնությունից` ես պաշտպանության նախարարությանը հանձնարարել եմ 5 օրով հետաձգել իրանական էլեկտրակայաններին և էներգետիկ ենթակառուցվածքներին ուղղված ցանկացած ռազմական հարված, մինչև ընթացիկ հանդիպումների և քննարկումների հաջող ավարտը», - գրել է Թրամփը:
Հիշեցնենք` Հիշեցնենք` ԱՄՆ-ն և Իսրայելը փետրվարի 28-ի առավոտյան սկսեցին հարվածներ հասցրել Իրանին։ Սպանվեցին երկրի գերագույն հոգևոր առաջնորդ այաթոլլա Ալի Խամենեին, Իրանի զինված ուժերի գլխավոր շտաբի պետ Աբդուլռահիմ Մուսավին, պաշտպանության նախարար Ազիզ Նասիրզադեն, Իսլամական հեղափոխության պահապանների կորպուսի (ԻՀՊԿ) հրամանատար Մոհամմադ Պակպուրը և պաշտպանության խորհրդի քարտուղար Ալի Շամխանին: Երկրում 40-օրյա սուգ է հայտարարվել: Իրանը պատասխան հրթիռային հարվածներ է հասցնում Իսրայելի տարածքին, ինչպես նաև Մերձավոր Արևելքում գտնվող ամերիկյան ռազմական օբյեկտներին: