ԵՐԵՎԱՆ, 23 մարտի – Sputnik. Իրանի արևմուտքում տեղի ունեցած հարձակման հետևանքով 6 մարդ զոհվել է, 40-ից ավելին` տուժել։ Այս մասին հայտնում է իրանական Nour News գործակալությունը՝ հղում անելով տեղական իշխանություններին։
«Տեղական ժամանակով ժամը 00:30-ին Խորամաբադի (քաղաք Իրանի արևմուտքում – խմբ.) հյուսիսային մասից մի քանի բնակելի բնակարանների վրա թշնամու օդային հարվածի հետևանքով 6 մարդ է զոհվել։ Հնարավոր է զոհերի թիվն աճի։ 43 մարդ վիրավորվել է», – ասվում է հաղորդագրության մեջ։
Գործակալությունը չի նշել, թե ով է իրականացրել հարձակումը։
Հիշեցնենք` ԱՄՆ-ն և Իսրայելը փետրվարի 28-ի առավոտյան սկսեցին հարվածներ հասցրել Իրանին։ Սպանվեցին երկրի գերագույն հոգևոր առաջնորդ այաթոլլա Ալի Խամենեին, Իրանի զինված ուժերի գլխավոր շտաբի պետ Աբդուլռահիմ Մուսավին, պաշտպանության նախարար Ազիզ Նասիրզադեն, Իսլամական հեղափոխության պահապանների կորպուսի (ԻՀՊԿ) հրամանատար Մոհամմադ Պակպուրը և պաշտպանության խորհրդի քարտուղար Ալի Շամխանին: Մարտի 17-ին սպանվեց Իրանի անվտանգության խորհրդի քարտուղար Ալի Լարիջանին։
Իրանը պատասխան հրթիռային հարվածներ է հասցնում Իսրայելի տարածքին, ինչպես նաև Մերձավոր Արևելքում գտնվող ամերիկյան ռազմական օբյեկտներին: