ԵՐԵՎԱՆ, 23 մարտի - Sputnik. Իրանիարտաքին գործերի նախարար Աբբաս Արաղչին ԱՄՆ-ի և Իսրայելի վերջին հարվածներն իրանական միջուկային օբյեկտներին միջազգային իրավունքի խախտում է անվանել: Այս մասին նա գրել Է ՄԱԿ-ի գլխավոր քարտուղար Անտոնիո Գուտերեշին ուղղված իր նամակում:
«Նաթանզում և Բուշերի էլեկտրակայանի մերձակայքում Իրանի խաղաղ միջուկային օբյեկտների վրա հարձակումները ՄԱԿ- ի կանոնադրության, ատոմային Էներգիայի միջազգային գործակալության կանոնադրության և միջազգային իրավունքի նորմերի խախտում են», - գրել է արտաքին քաղաքական գերատեսչության ղեկավարը:
Արաղչին Վաշինգտոնից և ԹելԱվիվիցպահանջել է անհապաղ դադարեցնել հարձակումները և ամբողջական փոխհատուցում վճարել պատճառված վնասի համար: Նրախոսքով, որոնք փոխանցում է IRIB-ը, նման օբյեկտներին հարվածները կարող են հանգեցնել ռադիոակտիվ նյութերի արտանետման և մարդկանց ու շրջակա միջավայրի համար չափազանց վտանգավոր հետևանքների:
Հիշեցնենք` ԱՄՆ-ն և Իսրայելը փետրվարի 28-ի առավոտյան սկսեցին հարվածներ հասցրել Իրանին։ Սպանվեցին երկրի գերագույն հոգևոր առաջնորդ այաթոլլա Ալի Խամենեին, Իրանի զինված ուժերի գլխավոր շտաբի պետ Աբդուլռահիմ Մուսավին, պաշտպանության նախարար Ազիզ Նասիրզադեն, Իսլամական հեղափոխության պահապանների կորպուսի (ԻՀՊԿ) հրամանատար Մոհամմադ Պակպուրը և պաշտպանության խորհրդի քարտուղար Ալի Շամխանին: Մարտի 17-ին սպանվեց Իրանի անվտանգության խորհրդի քարտուղար Ալի Լարիջանին։
Իրանը պատասխան հրթիռային հարվածներ է հասցնում Իսրայելի տարածքին, ինչպես նաև Մերձավոր Արևելքում գտնվող ամերիկյան ռազմական օբյեկտներին: