ԵՐԵՎԱՆ, 22 մարտի – Sputnik. Ռուսաստանըեվրոպական պետություններին հայհոյանքներով չի հիշում։ Այս մասին հայտնել է ՌԴ նախագահի մամուլի քարտուղար Դմիտրի Պեսկովը՝ հիշեցնելով մի իմաստուն դիվանագետի ասածն այն մասին, որ դիվանագիտությունը մարդուն գրողի ծոցն ուղարկելու ունակությունն է այնպես, որ նա իսկապես ցանկանա այնտեղ գնալ:
«Ոչ, մենք ոչ ոքի երբեք հայհոյանքներով չենք հիշում։ Գիտեք, մի իմաստուն դիվանագետ շատ խելացի բան է ասել։ Ի՞նչ է դիվանագիտությունը. այն մարդուն գրողի ծոցն ուղարկելու ունակությունն է այնպես, որ նա իսկապես ցանկանա այնտեղ գնալ», - ասել է Պեսկովը ի պատասխան «Վեստի» լրատվական ծառայության լրագրող Պավել Զարուբինին հարցին, թե արդյոք Ռուսաստանը Եվրոպային հայհոյանքներով է «ուղարկել» գրողի ծոցը։
Ինչպես նշել է Ռուսաստանի նախագահի մամուլի քարտուղարը, Եվրոպան բարդ դրության մեջ է, ընդ որում նախկինի պես չի ցանկանում երկխոսություն վարել Ռուսաստանի հետ, այլ ցանկանում է շարունակել հակամարտությունն Ուկրաինայում:
«Եվրոպանպառակտվում է հակասություններից, Եվրոպան բարդ վիճակում է, Եվրոպան նախկինի պես չի ցանկանում մեզ հետ խոսել, Եվրոպան նախկինի պես ցանկանում է շարունակել պատերազմը Ուկրաինայում և չգիտի, թե ինչպես վճարել դրա համար»,-ասել է Պեսկովը:
Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Մարտական գործողություններն ընթանում են մինչ օրս։
Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։