ԵՐԵՎԱՆ, 21 մարտի – Sputnik. Թուրքական ոստիկանությունը վերջին երկու շաբաթվա ընթացքում ձերբակալել է 139 անձանց, որոնց կասկածում են «Իսլամական պետություն» (ԻՊ, արգելված է ՌԴ–ում) ահաբեկչական խմբավորման գործունեությանը մասնակցելու մեջ։ Այդ մասին, ինչպես փոխանցում է ՌԻԱ Նովոստին, այսօր հայտնել է երկրի ներքին գործերի նախարարությունը։
«29 նահանգներում ԻՊ–ի դեմ գործողության արդյունքում ձերբակալվել է 139 կասկածյալ։ Նրանց թվում են նախկինում ԻՊ–ին պատկանող, ԻՊ-ի կողմից հետախուզվող կամ խմբավորմանը ֆինանսական աջակցություն ցուցաբերած անձինք», – հաղորդել է գերատեսչությունը։
Դատարանը կալանավորել է ձերբակալվածներից 14-ին, 9-ը ազատ են արձակվել երկրից չհեռանալու ստորագրության դիմաց, իսկ մյուսների նկատմամբ խափանման միջոց դեռևս չի ընտրվել։