ԵՐԵՎԱՆ, 21 մարտի – Sputnik. Իսրայելի պաշտպանության նախարար Իսրայել Կացը այսօր հայտարարեել է, որ Իրանի օբյեկտներին Իսրայելի և ԱՄՆ-ի հարվածների ինտենսիվությունը կավելանա հաջորդ շաբաթ: Նրա խոսքերը մեջբերում է ՌԻԱ Նովոստին՝ վկայակոչելով գերատեսչության մամուլի ծառայությունը։
«Առաջիկա շաբաթվա ընթացքում զգալիորեն կաճի հարձակումների ինտենսիվությունը, որոնք Իսրայելի պաշտպանության բանակը և ամերիկացի զինվորականները կիրականացնեն իրանական ռեժիմի և այն ենթակառուցվածքի դեմ, որի վրա նա հենվում է։ ԱՄՆ նախագահ Դոնալդ Թրամփի ու Իսրայելի վարչապետ Բենիամին Նեթանյահուի գլխավորած արշավը կշարունակվի», - հայտարարել է Կացը։
Հիշեցնենք` ԱՄՆ-ն և Իսրայելը փետրվարի 28-ի առավոտյան սկսեցին հարվածներ հասցրել Իրանին։ Սպանվեցին երկրի գերագույն հոգևոր առաջնորդ այաթոլլա Ալի Խամենեին, Իրանի զինված ուժերի գլխավոր շտաբի պետ Աբդուլռահիմ Մուսավին, պաշտպանության նախարար Ազիզ Նասիրզադեն, Իսլամական հեղափոխության պահապանների կորպուսի (ԻՀՊԿ) հրամանատար Մոհամմադ Պակպուրը և պաշտպանության խորհրդի քարտուղար Ալի Շամխանին: Երկրում 40-օրյա սուգ է հայտարարվել: Իրանը պատասխան հրթիռային հարվածներ է հասցնում Իսրայելի տարածքին, ինչպես նաև Մերձավոր Արևելքում գտնվող ամերիկյան ռազմական օբյեկտներին:
Իսրայելի պաշտպանության նախարարը մարտի 17-ին հայտնեց Իրանի անվտանգության խորհրդի քարտուղար Ալի Լարիջանիի սպանության մասին։ Ավելի ուշ Թեհրանը հաստատեց այդ լուրը։