ԵՐԵՎԱՆ, 19 մարտի - Sputnik. Իրանը, ենթադրաբար, ամերիկյան 5-րդ սերնդի F-35 կործանիչ է խոցել։ Այս մասին հայտնում է CNN-ը՝ հղում անելով իր աղբյուրներին։
Եթե տեղեկությունը հաստատվի, ապա սա կդառնա Իրանի կողմից նմանատիպ ինքնաթիռի ոչնչացման առաջին դեպքը։
Կործանիչը մարտական առաջադրանք էր կատարում ԻԻՀ երկնքում, երբ հարկադիր վայրէջք է կատարել տարածաշրջանում ԱՄՆ ավիաբազաներից մեկում։ Օդաչուն ողջ է մնացել։
Այս մարտական մեքենաներն ակտիվորեն օգտագործվում են ԱՄՆ-ի և Իսրայելի կողմից ներկայիս հակամարտության ընթացքում։ Ինքնաթիռի արժեքը գերազանցում է 100 մլն դոլարը։
Հիշեցնենք` ԱՄՆ-ն և Իսրայելը փետրվարի 28-ի առավոտյան սկսեցին հարվածներ հասցրել Իրանին։ Սպանվեցին երկրի գերագույն հոգևոր առաջնորդ այաթոլլա Ալի Խամենեին, Իրանի զինված ուժերի գլխավոր շտաբի պետ Աբդուլռահիմ Մուսավին, պաշտպանության նախարար Ազիզ Նասիրզադեն, Իսլամական հեղափոխության պահապանների կորպուսի (ԻՀՊԿ) հրամանատար Մոհամմադ Պակպուրը և պաշտպանության խորհրդի քարտուղար Ալի Շամխանին: Երկրում 40-օրյա սուգ է հայտարարվել: Իրանը պատասխան հրթիռային հարվածներ է հասցնում Իսրայելի տարածքին, ինչպես նաև Մերձավոր Արևելքում գտնվող ամերիկյան ռազմական օբյեկտներին:
Իսրայելի պաշտպանության նախարարը մարտի 17-ին հայտնեց Իրանի անվտանգության խորհրդի քարտուղար Ալի Լարիջանիի սպանության մասին։ Ավելի ուշ Թեհրանը հաստատեց այդ լուրը։