ԵՐԵՎԱՆ, 18 մարտի – Sputnik. Սպանվել է Իրանի հետախուզության նախարար Իսմայիլ Խատիբը։ Այս հայտարարությունն արել է Իսրայելի պաշտպանության նախարար Իսրայել Կացը, որի խոսքերը մեջբերում է ՊՆ–ի մամուլի ծառայությունը։
«Այս գիշերը սպանվել է Իրանի հետախուզության նախարար Խատիբը...», – պնդում է Կացը։
Հիշեցնենք` ԱՄՆ-ն և Իսրայելը փետրվարի 28-ի առավոտյան սկսեցին հարվածներ հասցրել Իրանին։ Սպանվեցին երկրի գերագույն հոգևոր առաջնորդ այաթոլլա Ալի Խամենեին, Իրանի զինված ուժերի գլխավոր շտաբի պետ Աբդուլռահիմ Մուսավին, պաշտպանության նախարար Ազիզ Նասիրզադեն, Իսլամական հեղափոխության պահապանների կորպուսի (ԻՀՊԿ) հրամանատար Մոհամմադ Պակպուրը և պաշտպանության խորհրդի քարտուղար Ալի Շամխանին: Երկրում 40-օրյա սուգ է հայտարարվել: Իրանը պատասխան հրթիռային հարվածներ է հասցնում Իսրայելի տարածքին, ինչպես նաև Մերձավոր Արևելքում գտնվող ամերիկյան ռազմական օբյեկտներին:
Երեկ Իսրայելի պաշտպանության նախարարը հայտնեց Իրանի անվտանգության խորհրդի քարտուղար Ալի Լարիջանիի սպանության մասին։ Ավելի ուշ Թեհրանը հաստատեց այդ լուրը։