ՑԱԽԱԼ-ը հայտնել է «Բասիջի» հրամանատարի սպանության մասին. էլ ում են թիրախավորել

ԵՐԵՎԱՆ, 17 մարտի- Sputnik. Իսրայելի պաշտպանության բանակըհայտարարել է «Բասիջ» ստորաբաժանման հրամանատար Գոլամ Ռեզա Սոլեյմանիի ոչնչացման մասին։

Նշվում է, որ «Բասիջ» ստորաբաժանման հրամանատարը սպանվել է մարտի 16-ին Թեհրանին հասցված ավիահարվածի հետևանքով:

Սոլեյմանին վերջին վեց տարիների ընթացքում կատարել է «Բասիջ» ստորաբաժանման հրամանատարի պարտականությունները, ասված Է ՑԱԽԱԼ-ի հաղորդագրության մեջ, որը հրապարակվել Է X սոցցանցում:

Իսրայելական 12-րդ ալիքն իր հերթին հայտնում է, որ Իրանի ազգային անվտանգության բարձրագույն խորհրդի քարտուղար Ալի Լարիջանին մարտի 17-ի գիշերը Իսրայելի պաշտպանության բանակի հարձակումների թիրախներից մեկն էր:

Հիշեցնենք` ԱՄՆ-ն և Իսրայելը փետրվարի 28-ի առավոտյան սկսեցին հարվածներ հասցրել Իրանին։ Իրանը պատասխան հրթիռային հարվածներ է հասցնում Իսրայելի տարածքին, ինչպես նաև Մերձավոր Արևելքում գտնվող ամերիկյան ռազմական օբյեկտներին:

Իրանի շուրջ էսկալացիան հանգեցրել է Հորմուզի նեղուցի՝ Պարսից ծոցի երկրներից նավթի ու հեղուկացված բնական գազի համաշխարհային շուկա մատակարարումների առանցքային երթուղու փաստացի արգելափակմանը։