ԵՐԵՎԱՆ, 16 մարտի – Sputnik. Իրանի դեմ հարվածների ֆոնին Ատրպատականի հայոց թեմը դադարեցրել է եկեղեցական արարողությունները։ Այս մասին ասված է թեմի հայտարարության մեջ, որը հրապարակել է իրանագետ Վարդան Ոսկանյանը։
«Թեմական խորհուրդը` Ատրպատականի հայոց թեմի առաջնորդ Գրիգոր արքեպիսկոպոս Չիֆթճյանի նախագահությամբ, նախազգուշական քայլեր են ձեռնարկել` դադարեցնելով Թավրիզիում և Ուրմիայում եկեղեցական արարողությունները»,– ասված է հաղորդագրությունում։
Երկու քաղաքների հայոց ազգային դպրոցները հեռավար են շարունակում դասերը։
Ազգային առաջնորդարանը շարունակում է աշխատել։
Հայ համայնքն այս փուլում վնասներ չի կրել. պայթյունների հետևանքով միայն պատուհանների ապակիներ են կոտրվել։
Հիշեցնենք` ԱՄՆ-ն և Իսրայելը փետրվարի 28-ի առավոտյան սկսեցին հարվածներ հասցրել Իրանին։ Սպանվեցին երկրի գերագույն հոգևոր առաջնորդ այաթոլլա Ալի Խամենեին, Իրանի զինված ուժերի գլխավոր շտաբի պետ Աբդուլռահիմ Մուսավին, պաշտպանության նախարար Ազիզ Նասիրզադեն, Իսլամական հեղափոխության պահապանների կորպուսի (ԻՀՊԿ) հրամանատար Մոհամմադ Պակպուրը և պաշտպանության խորհրդի քարտուղար Ալի Շամխանին: Երկրում 40-օրյա սուգ է հայտարարվել: Իրանը պատասխան հրթիռային հարվածներ է հասցնում Իսրայելի տարածքին, ինչպես նաև Մերձավոր Արևելքում գտնվող ամերիկյան ռազմական օբյեկտներին: