Սերբիայի Զրենյանին քաղաքում ընթացող մինչև 23 տարեկան հունահռոմեական ոճի ըմբշամարտի Եվրոպայի առաջնությունում Հայաստանի հավաքականը նվաճեց ոսկե երկրորդ մեդալը։
60 կգ քաշային կարգի եզրափակիչ գոտեմարտում Սուրեն Աղաջանյանը ժամանակից շուտ 9։0 հաշվով հաղթելով վրացի Գիորգի Կոչալիձեին` նվաճեց Եվրոպայի չեմպիոնի կոչումը։
Մեր մյուս մարզիկը՝ Աշոտ Խաչատրյանը (72 կգ) պարտվեց բրոնզի համար մենամարտում։
Հիշեցնենք` Մ-23 տարեկանների Եվրոպայի առաջնությունն անցկացվում է մարտի 9-15-ը։
Ավելի վաղ Արամայիս Հարությունյանը (130 կգ) նվաճել էր ոսկի, Սամվել Տերտերյանը՝ արծաթ, իսկ Մանվել Խաչատրյանը ՝ բրոնզ էին նվաճել։