ԵՐԵՎԱՆ, 13 մարտի – Sputnik․ ՌԴ զինված ուժերը գիշերվա ընթացքում խոցել են Ուկրաինայի ԶՈւ 176 անօդաչու սարք։ Այս մասին հայտնել է ՌԴ Պաշտպանության նախարարությունը։
«Անցած գիշերվա ընթացքում՝ ժամը 23:00-ից մինչև 07:00-ն, ՀՕՊ հերթապահ միջոցները որսացել և ոչնչացել են ուկրաինական 176 անօդաչու թռչող սարք», — ասված է ամփոփագրում։
Մարտիկները խոցել են 80 ԱԹՍ Ղրիմում, 29-ը՝ Ադիգեայում, 25-ը՝ Կրասնոդարի երկրամասում, 18-ը՝ Ազովի ծովի վրա։
Նրանք նաև լիկվիդացրել են 7 դրոն Ռոստովի մարզում, 5-ը՝ Կուրսկի, 3-ը՝ Ստավրոպոլի երկրամասում, 2-ական՝ Բրյանսկի մարզում և Սև ծովի վրա, և մեկական՝ Աստրախանի, Բելգորոդի, Վոլգոգրադի, Լիպեցկի մարզերում և Թաթարստանում։
Ի պատասխան Ուկրաինայի ԶՈւ հարձակումների՝ ռուսական զորքերն օդային, ծովային և ցամաքային բազավորման բարձր ճշգրտության զենքով ու անօդաչուներով հարվածներ են հասցնում բացառապես հակառակորդի ռազմական օբյեկտներին և ռազմաարդյունաբերական համալիրի ձեռնարկություններին։
Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Մարտական գործողություններն ընթանում են մինչ օրս։
Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։