ԵՐԵՎԱՆ, 13 մարտի - Sputnik. Իրաքի արևմուտքում KC-135 լիցքավորող ինքնաթիռի կործանման հետևանքով չորս ամերիկացի զինվորական է զոհվել։ Այս մասին հայտնում է «Վեստի»-ն՝ հղում անելով ԱՄՆ ԶՈւ Կենտրոնական հրամանատարությանը։
Անձնակազմի երկու անդամ համարվում է անհայտ կորած։
Ռազմական գերատեսչությունում պնդում են, որ ինքնաթիռի ընկնելը կապված չէ ՀՕՊ համակարգերի աշխատանքի հետ։ Ամերիկյան տվյալներով՝ ինքնաթիռի կորստի պատճառը Իրանի գործողությունները կամ «բարեկամական կրակը» չեն եղել։