ԵՐԵՎԱՆ, 13 մարտի – Sputnik. ԱՄՆ-ն թույլատրել է վաճառել այն ռուսական նավթը, որը նավեր է բեռնվել մինչև մարտի 12-ը։ Այս մասին հայտնում է ԱՄՆ ֆինանսների նախարարության արտասահմանյան ակտիվների վերահսկողության վարչությունը (OFAC):
«Այս միջոցը գործում է մինչև ապրիլի 11-ը և չի տարածվում Իրանի հետ կապված գործարքների վրա»,– գրում է «Reuters»-ը։
ԱՄՆ ֆինանսների նախարար Սքոթ Բեսենտի խոսքով՝ որոշումը Ռուսաստանի իշխանություններին զգալի շահույթ չի բերի։
ՌԴ նախագահի հատուկ ներկայացուցիչ Կիրիլ Դմիտրիևը հայտնել է, որ ԱՄՆ սահմանափակումների չեղարկումը կվերաբերի տարանցիկ փուլում գտնվող շուրջ 100 մլն բարել ռուսական նավթին։