ԵՐԵՎԱՆ, 12 մարտի – Sputnik. Իրանի Իսլամական հեղափոխության պահապանների կորպուսը (ԻՀՊԿ) հայտնել է Մերձավոր Արևելքում Իսրայելի և ԱՄՆ-ի բազաների վրա հերթական հարձակման մասին:
«Իրականացվել է «Ճշմարիտ խոստում 4» գործողության 42-րդ ալիքը, որն ուղեկցվել է «Էմադ», «Գադր», «Խեյբարշեքան», «Ֆաթթահ» ծանր հրթիռների, ինչպես նաև հարվածային անօդաչու թռչող սարքերի արձակմամբ դեպի Թել Ավիվի սիրտը և ամերիկյան բանակի բազաների ուղղությամբ»,- ասված է ԻՀՊԿ-ի հայտարարության մեջ:
Հիշեցնենք` ԱՄՆ-ն և Իսրայելը փետրվարի 28-ի առավոտյան սկսեցին հարվածներ հասցրել Իրանին։ Սպանվեցին երկրի գերագույն հոգևոր առաջնորդ այաթոլլա Ալի Խամենեին, Իրանի զինված ուժերի գլխավոր շտաբի պետ Աբդուլռահիմ Մուսավին, պաշտպանության նախարար Ազիզ Նասիրզադեն, Իսլամական հեղափոխության պահապանների կորպուսի (ԻՀՊԿ) հրամանատար Մոհամմադ Պակպուրը և պաշտպանության խորհրդի քարտուղար Ալի Շամխանին: Երկրում 40-օրյա սուգ է հայտարարվել: Իրանը պատասխան հրթիռային հարվածներ է հասցնում Իսրայելի տարածքին, ինչպես նաև Մերձավոր Արևելքում գտնվող ամերիկյան ռազմական օբյեկտներին: