Կիևի ռեժիմի կողմից բացարձակ անխոհեմ գործողություններ. այսպես է նախագահի մամուլի քարտուղար Դմիտրի Պեսկովը բնութագրել Կիևի ռեժիմի կողմից «Ռուսկայա» կոմպրեսորային կայանի միջազգային ենթակառուցվածքին հասցված հարվածները։
«Այսօր գիշերը «Ռուսկայա» կոմպրեսորային կայանի վրա կրկին անօդաչուներով հարվածներ հասցնելու փորձեր են եղել։ Այն առափնյա կոմպրեսորային կայան է, որն ապահովում է գազի մղումը», –լրագրողներին ասել է Պեսկովը։
Պեսկովն ընդգծել է, որ սա ևս մեկ հարձակում է միջազգային էներգետիկ ենթակառուցվածքի օբյեկտի վրա, որը ապահովում է և՛ Թուրքիայի, և՛ մի շարք այլ երկրների էներգետիկ անվտանգությունը։
Մարտի 12-ի գիշերը Կիևը ինքնաթիռատիպ հարվածային անօդաչուներով գրոհել է Կրասնոդարի երկրամասի Գայ-Կոձոր գյուղում գտնվող «Ռուսկայա» կոմպրեսորային կայանը։ Այն գազի մատակարարում է ապահովում «Թուրքական հոսք»–ով։ Հարձակումն իրականացվել է եվրոպացի սպառողներին գազի մատակարարումը խափանելու նպատակով։ Մոսկվայի ժամանակով ժամը 3:55-6:45-ը ՌԴ ՀՕՊ և ՌԷՊ միջոցները ուկրաինական 10 անօդաչու են ոչնչացրել։