ԵՐԵՎԱՆ, 11 մարտի – Sputnik․ «Turkish Airlines» ավիաընկերությունը սկսել է Ստամբուլ-Երևան-Ստամբուլ երթուղով չվերթերը։ Այս մասին հայտնում է «Զվարթնոց» օդանավակայանի մամուլի ծառայությունը։
Այսօր՝ մարտի 11-ին, «Զվարթնոց» միջազգային օդանավակայան է ժամանել «Turkish Airlines» ավիաընկերության մեկնարկային չվերթը Ստամբուլի միջազգային օդանավակայանից:
«Turkish Airlines» ավիաընկերության մեկնարկային չվերթի ինքնաթիռը «Զվարթնոց» օդանավակայանում
© Photo : Zvartnots International Airport
«Ստամբուլ - Երևան - Ստամբուլ երթուղով թռիչքները կիրականացվեն ամեն օր, իսկ մայիսի 14-ից չվերթերի հաճախականությունը կհասնի շաբաթական 10, հունիսի 15-ից՝ շաբաթական 14 չվերթի»,–ասվում է հաղորդագրության մեջ։
«Turkish Airlines» ավիաընկերության մեկնարկային չվերթի ինքնաթիռի ուղևորները «Զվարթնոց» օդանավակայանում
© Photo : Zvartnots International Airport
Հավելենք, որ առաջին չվերթի դիմավորման արարողությանը ներկա են եղել ՀՀ Քաղաքացիական ավիացիայի կոմիտեի նախագահի տեղակալ Ստեփան Փայասլյանը, «Արմենիա» Միջազգային օդանավակայաններ» ընկերության տնօրեն Մարսելո Վենդեն և գլխավոր մենեջեր Սերգեյ Ավետիսյանը, «Turkish Airlines» ավիաընկերության Արևելյան Եվրոպայի երկրների գծով վաճառքի փոխտնօրեն Հուսեյն Օզբեկը և Վրաստանի ու Հայաստանի գծով գլխավոր մենեջեր Քենան Ինջեն, և այլ հյուրեր:
«Turkish Airlines» ավիաընկերության մեկնարկային չվերթի ինքնաթիռի դիմավորման արարողությունը «Զվարթնոց» օդանավակայանում
© Photo : Zvartnots International Airport