ԵՐԵՎԱՆ, 9 մարտի – Sputnik. Իրանը հարվածներ է հասցրել Մերձավոր Արևելքում գտնվող ամերիկյան 5 ռազմավարական, ինչպես նաև Թել Ավիվի և Հայֆայի շրջանում գտնվող իսրայելական ռազմաբազաներին։ Այս մասին հայտնում է Իսլամական հեղափոխության պահապանների կորպուսի (ԻՀՊԿ) հասարակայնության հետ կապերի ծառայությունը։
«ԻՀՊԿ օդատիեզերական ուժերի հերոսները, արձակելով «Քադր», «Խորեմշահր» և «Հեյբար-Շեքան» հրթիռներ, հզոր հարվածներ են հասցրել տարածաշրջանում ԱՄՆ–ի հինգ ռազմավարական բազաներին, հատկապես ԱՄՆ ռազմածովային ուժերի 5-րդ նավատորմի շրջանին, ինչպես նաև Թել Ավիվի ու Հայֆայի շրջանում սիոնիստական ռեժիմի ռազմակայաններին»,-ասված է հայտարարության մեջ:
Հիշեցնենք` ԱՄՆ-ն և Իսրայելը փետրվարի 28-ի առավոտյան սկսեցին հարվածներ հասցրել Իրանին։ Սպանվեցին երկրի գերագույն հոգևոր առաջնորդ այաթոլլա Ալի Խամենեին, Իրանի զինված ուժերի գլխավոր շտաբի պետ Աբդուլռահիմ Մուսավին, պաշտպանության նախարար Ազիզ Նասիրզադեն, Իսլամական հեղափոխության պահապանների կորպուսի (ԻՀՊԿ) հրամանատար Մոհամմադ Պակպուրը և պաշտպանության խորհրդի քարտուղար Ալի Շամխանին: Երկրում 40-օրյա սուգ է հայտարարվել: Իրանը պատասխան հրթիռային հարվածներ է հասցնում Իսրայելի տարածքին, ինչպես նաև Մերձավոր Արևելքում գտնվող ամերիկյան ռազմական օբյեկտներին:
Ռուսաստանը հայտարարել է, որ Վաշինգտոնի և Թել Ավիվի գործողությունները ոչ մի կապ չունեն միջուկային զենքի չտարածման ռեժիմի պահպանման հետ, և պահանջել է վերադառնալ բանակցություններին: ՌԴ արտգործնախարար Սերգեյ Լավրովն ընդգծել է, որ Մոսկվան պատրաստ է աջակցել կարգավորմանը, այդ թվում ՝ ՄԱԿ-ի անվտանգության խորհրդում: