Իրանից Հայաստան քաղաքացիների զանգվածային ներհոսք չի գրանցվել։ Հայ-իրանական սահմանին աշխատող Sputnik Արմենիայի թղթակցի տվյալներով՝ ժամանողների մեծ մասը օտարերկրյա քաղաքացիներ են։
Ավելի վաղ Հայաստանում Իրանի դեսպան Խալիլ Շիրղոլամին Երևանում կայացած մամլո ասուլիսում հայտնել էր, որ սահմանը 24 ժամով փակվել էր տեխնիկական պատճառներով: Նրախոսքով՝ անսարքությունները վերացվել են առավոտյան ժամը 9:30-ին, որից հետո անցակետը վերսկսել է աշխատանքը բնականոն ռեժիմով:
Լրագրողները զրուցել են «Նորդուզ»- «Ագարակ» անցակետով սահմանը հատած մի խումբ օտարերկրացիների հետ: Ժամանածներից մեկը հայտարարել է, որ Իրանում ինտերնետ չկա, այդ պատճառով էլ տեղի ունեցածի մասին ակտուալ տեղեկատվություն չունի:
Ագարակ գյուղի(որտեղ գտնվում է սահմանային անցակետը ) բնակիչները նույնպես հայտնել են, որ վերջին օրերին ակտիվություն չեն նկատում: Նրանցկարծիքով, դա կարող է կապված լինել անցակետի աշխատանքի ժամանակավոր դադարեցման հետ։
Հիշեցնենք, որ Մերձավոր Արևելքում լարվածության ֆոնինմի շարք պետությունների ԱԳՆ-ներն ու դիվանագիտական ներկայացուցչություններխորհուրդ էին տվել իրենց քաղաքացիներին լքել Իրանը, այդ թվում՝ Հայաստանի տարածքով: